פרקי תהילים

For Transliteration scroll down

יש מתחילים: אַשְׁרֵי יוֹשְׁבֵי בֵיתֶךָ עוֹד יְהַלְלוּךָ סֶּלָה. אַשְׁרֵי הָעָם שֶׁכָּכָה לּוֹ אַשְׁרֵי הָעָם שֶׁיֲהוָה אֱלֹהָיו.

תהילים פרק לג

רַנְּנוּ צַדִּיקִים בַּיהוָה לַיְשָׁרִים נָאוָה תְהִלָּה: הוֹדוּ לַיהוָה בְּכִנּוֹר בְּנֵבֶל עָשׂוֹר זַמְּרוּ לוֹ: שִׁירוּ לוֹ שִׁיר חָדָשׁ הֵיטִיבוּ נַגֵּן בִּתְרוּעָה: כִּי יָשָׁר דְּבַר יְהוָה וְכָל מַעֲשֵׂהוּ בֶּאֱמוּנָה: אֹהֵב צְדָקָה וּמִשְׁפָּט חֶסֶד יְהוָה מָלְאָה הָאָרֶץ: בִּדְבַר יְהוָה שָׁמַיִם נַעֲשׂוּ וּבְרוּחַ פִּיו כָּל צְבָאָם: כֹּנֵס כַּנֵּד מֵי הַיָּם נֹתֵן בְּאוֹצָרוֹת תְּהוֹמוֹת: יִירְאוּ מֵיְהוָה כָּל הָאָרֶץ מִמֶּנּוּ יָגוּרוּ כָּל יֹשְׁבֵי תֵבֵל: כִּי הוּא אָמַר וַיֶּהִי הוּא צִוָּה וַיַּעֲמֹד: יְהוָה הֵפִיר עֲצַת גּוֹיִם הֵנִיא מַחְשְׁבוֹת עַמִּים: עֲצַת יְהוָה לְעוֹלָם תַּעֲמֹד מַחְשְׁבוֹת לִבּוֹ לְדֹר וָדֹר: אַשְׁרֵי הַגּוֹי אֲשֶׁר יְהוָה אֱלֹהָיו הָעָם בָּחַר לְנַחֲלָה לוֹ: מִשָּׁמַיִם הִבִּיט יְהוָה רָאָה אֶת כָּל בְּנֵי הָאָדָם: מִמְּכוֹן שִׁבְתּוֹ הִשְׁגִּיחַ אֶל כָּל יֹשְׁבֵי הָאָרֶץ: הַיֹּצֵר יַחַד לִבָּם הַמֵּבִין אֶל כָּל מַעֲשֵׂיהֶם: אֵין הַמֶּלֶךְ נוֹשָׁע בְּרָב חָיִל גִּבּוֹר לֹא יִנָּצֵל בְּרָב כֹּחַ: שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּט: הִנֵּה עֵין יְהוָה אֶל יְרֵאָיו לַמְיַחֲלִים לְחַסְדּוֹ: לְהַצִּיל מִמָּוֶת נַפְשָׁם וּלְחַיּוֹתָם בָּרָעָב: נַפְשֵׁנוּ חִכְּתָה לַיהוָה עֶזְרֵנוּ וּמָגִנֵּנוּ הוּא: כִּי בוֹ יִשְׂמַח לִבֵּנוּ כִּי בְשֵׁם קָדְשׁוֹ בָטָחְנוּ: יְהִי חַסְדְּךָ יְהוָה עָלֵינוּ כַּאֲשֶׁר יִחַלְנוּ לָךְ:

תהילים פרק טז

מִכְתָּם לְדָוִד שָׁמְרֵנִי אֵל כִּי חָסִיתִי בָךְ: אָמַרְתְּ לַיהוָה אֲדֹנָי אָתָּה טוֹבָתִי בַּל עָלֶיךָ: לִקְדוֹשִׁים אֲשֶׁר בָּאָרֶץ הֵמָּה וְאַדִּירֵי כָּל חֶפְצִי בָם: יִרְבּוּ עַצְּבוֹתָם אַחֵר מָהָרוּ בַּל אַסִּיךְ נִסְכֵּיהֶם מִדָּם וּבַל אֶשָּׂא אֶת שְׁמוֹתָם עַל שְׂפָתָי: יְהוָה מְנָת חֶלְקִי וְכוֹסִי אַתָּה תּוֹמִיךְ גּוֹרָלִי: חֲבָלִים נָפְלוּ לִי בַּנְּעִמִים אַף נַחֲלָת שָׁפְרָה עָלָי: אֲבָרֵךְ אֶת יְהוָה אֲשֶׁר יְעָצָנִי אַף לֵילוֹת יִסְּרוּנִי כִלְיוֹתָי: שִׁוִּיתִי יְהוָה לְנֶגְדִּי תָמִיד כִּי מִימִינִי בַּל אֶמּוֹט: לָכֵן שָׂמַח לִבִּי וַיָּגֶל כְּבוֹדִי אַף בְּשָׂרִי יִשְׁכֹּן לָבֶטַח: כִּי לֹא תַעֲזֹב נַפְשִׁי לִשְׁאוֹל לֹא תִתֵּן חֲסִידְךָ לִרְאוֹת שָׁחַת: תּוֹדִיעֵנִי אֹרַח חַיִּים שֹׂבַע שְׂמָחוֹת אֶת פָּנֶיךָ נְעִמוֹת בִּימִינְךָ נֶצַח:

תהילים פרק יז

תְּפִלָּה לְדָוִד שִׁמְעָה יְהוָה צֶדֶק הַקְשִׁיבָה רִנָּתִי הַאֲזִינָה תְפִלָּתִי בְּלֹא שִׂפְתֵי מִרְמָה: מִלְּפָנֶיךָ מִשְׁפָּטִי יֵצֵא עֵינֶיךָ תֶּחֱזֶינָה מֵישָׁרִים: בָּחַנְתָּ לִבִּי פָּקַדְתָּ לַּיְלָה צְרַפְתַּנִי בַל תִּמְצָא זַמֹּתִי בַּל יַעֲבָר פִּי: לִפְעֻלּוֹת אָדָם בִּדְבַר שְׂפָתֶיךָ אֲנִי שָׁמַרְתִּי אָרְחוֹת פָּרִיץ: תָּמֹךְ אֲשֻׁרַי בְּמַעְגְּלוֹתֶיךָ בַּל נָמוֹטּוּ פְעָמָי: אֲנִי קְרָאתִיךָ כִי תַעֲנֵנִי אֵל הַט אָזְנְךָ לִי שְׁמַע אִמְרָתִי: הַפְלֵה חֲסָדֶיךָ מוֹשִׁיעַ חוֹסִים מִמִּתְקוֹמְמִים בִּימִינֶךָ: שָׁמְרֵנִי כְּאִישׁוֹן בַּת עָיִן בְּצֵל כְּנָפֶיךָ תַּסְתִּירֵנִי: מִפְּנֵי רְשָׁעִים זוּ שַׁדּוּנִי אֹיְבַי בְּנֶפֶשׁ יַקִּיפוּ עָלָי: חֶלְבָּמוֹ סָּגְרוּ פִּימוֹ דִּבְּרוּ בְגֵאוּת: אַשֻּׁרֵינוּ עַתָּה סבבוני (סְבָבוּנוּ) עֵינֵיהֶם יָשִׁיתוּ לִנְטוֹת בָּאָרֶץ: דִּמְיֹנוֹ כְּאַרְיֵה יִכְסוֹף לִטְרֹף וְכִכְפִיר יֹשֵׁב בְּמִסְתָּרִים: קוּמָה יְהוָה קַדְּמָה פָנָיו הַכְרִיעֵהוּ פַּלְּטָה נַפְשִׁי מֵרָשָׁע חַרְבֶּךָ: מִמְתִים יָדְךָ יְהוָה מִמְתִים מֵחֶלֶד חֶלְקָם בַּחַיִּים וצפינך (וּצְפוּנְךָ) תְּמַלֵּא בִטְנָם יִשְׂבְּעוּ בָנִים וְהִנִּיחוּ יִתְרָם לְעוֹלְלֵיהֶם: אֲנִי בְּצֶדֶק אֶחֱזֶה פָנֶיךָ אֶשְׂבְּעָה בְהָקִיץ תְּמוּנָתֶךָ:

תהילים פרק עב

לִשְׁלֹמֹה אֱלֹהִים מִשְׁפָּטֶיךָ לְמֶלֶךְ תֵּן וְצִדְקָתְךָ לְבֶן מֶלֶךְ: יָדִין עַמְּךָ בְצֶדֶק וַעֲנִיֶּיךָ בְמִשְׁפָּט: יִשְׂאוּ הָרִים שָׁלוֹם לָעָם וּגְבָעוֹת בִּצְדָקָה: יִשְׁפֹּט עֲנִיֵּי עָם יוֹשִׁיעַ לִבְנֵי אֶבְיוֹן וִידַכֵּא עוֹשֵׁק: יִירָאוּךָ עִם שָׁמֶשׁ וְלִפְנֵי יָרֵחַ דּוֹר דּוֹרִים: יֵרֵד כְּמָטָר עַל גֵּז כִּרְבִיבִים זַרְזִיף אָרֶץ: יִפְרַח בְּיָמָיו צַדִּיק וְרֹב שָׁלוֹם עַד בְּלִי יָרֵחַ: וְיֵרְדְּ מִיָּם עַד יָם וּמִנָּהָר עַד אַפְסֵי אָרֶץ: לְפָנָיו יִכְרְעוּ צִיִּים וְאֹיְבָיו עָפָר יְלַחֵכוּ: מַלְכֵי תַרְשִׁישׁ וְאִיִּים מִנְחָה יָשִׁיבוּ מַלְכֵי שְׁבָא וּסְבָא אֶשְׁכָּר יַקְרִיבוּ: וְיִשְׁתַּחֲווּ לוֹ כָל מְלָכִים כָּל גּוֹיִם יַעַבְדוּהוּ: כִּי יַצִּיל אֶבְיוֹן מְשַׁוֵּעַ וְעָנִי וְאֵין עֹזֵר לוֹ: יָחֹס עַל דַּל וְאֶבְיוֹן וְנַפְשׁוֹת אֶבְיוֹנִים יוֹשִׁיעַ: מִתּוֹךְ וּמֵחָמָס יִגְאַל נַפְשָׁם וְיֵיקַר דָּמָם בְּעֵינָיו: וִיחִי וְיִתֶּן לוֹ מִזְּהַב שְׁבָא וְיִתְפַּלֵּל בַּעֲדוֹ תָמִיד כָּל הַיּוֹם יְבָרְכֶנְהוּ: יְהִי פִסַּת בַּר בָּאָרֶץ בְּרֹאשׁ הָרִים יִרְעַשׁ כַּלְּבָנוֹן פִּרְיוֹ וְיָצִיצוּ מֵעִיר כְּעֵשֶׂב הָאָרֶץ: יְהִי שְׁמוֹ לְעוֹלָם לִפְנֵי שֶׁמֶשׁ ינין (יִנּוֹן) שְׁמוֹ וְיִתְבָּרְכוּ בוֹ כָּל גּוֹיִם יְאַשְּׁרוּהוּ: בָּרוּךְ יְהוָה אֱלֹהִים אֱלֹהֵי יִשְׂרָאֵל עֹשֵׂה נִפְלָאוֹת לְבַדּוֹ: וּבָרוּךְ שֵׁם כְּבוֹדוֹ לְעוֹלָם וְיִמָּלֵא כְבוֹדוֹ אֶת כֹּל הָאָרֶץ אָמֵן וְאָמֵן: כָּלּוּ תְפִלּוֹת דָּוִד בֶּן יִשָׁי:

תהילים פרק צא

יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן: אֹמַר לַיהוָה מַחְסִי וּמְצוּדָתִי אֱלֹהַי אֶבְטַח בּוֹ: כִּי הוּא יַצִּילְךָ מִפַּח יָקוּשׁ מִדֶּבֶר הַוּוֹת: בְּאֶבְרָתוֹ יָסֶךְ לָךְ וְתַחַת כְּנָפָיו תֶּחְסֶה צִנָּה וְסֹחֵרָה אֲמִתּוֹ: לֹא תִירָא מִפַּחַד לָיְלָה מֵחֵץ יָעוּף יוֹמָם: מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָיִם: יִפֹּל מִצִּדְּךָ אֶלֶף וּרְבָבָה מִימִינֶךָ אֵלֶיךָ לֹא יִגָּשׁ: רַק בְּעֵינֶיךָ תַבִּיט וְשִׁלֻּמַת רְשָׁעִים תִּרְאֶה: כִּי אַתָּה יְהוָה מַחְסִי עֶלְיוֹן שַׂמְתָּ מְעוֹנֶךָ: לֹא תְאֻנֶּה אֵלֶיךָ רָעָה וְנֶגַע לֹא יִקְרַב בְּאָהֳלֶךָ: כִּי מַלְאָכָיו יְצַוֶּה לָּךְ לִשְׁמָרְךָ בְּכָל דְּרָכֶיךָ: עַל כַּפַּיִם יִשָּׂאוּנְךָ פֶּן תִּגֹּף בָּאֶבֶן רַגְלֶךָ: עַל שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין: כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי יָדַע שְׁמִי: יִקְרָאֵנִי וְאֶעֱנֵהוּ עִמּוֹ אָנֹכִי בְצָרָה אֲחַלְּצֵהוּ וַאֲכַבְּדֵהוּ: אֹרֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי:

תהילים פרק קד

בָּרְכִי נַפְשִׁי אֶת יְהוָה יְהוָה אֱלֹהַי גָּדַלְתָּ מְּאֹד הוֹד וְהָדָר לָבָשְׁתָּ: עֹטֶה אוֹר כַּשַּׂלְמָה נוֹטֶה שָׁמַיִם כַּיְרִיעָה: הַמְקָרֶה בַמַּיִם עֲלִיּוֹתָיו הַשָּׂם עָבִים רְכוּבוֹ הַמְהַלֵּךְ עַל כַּנְפֵי רוּחַ: עֹשֶׂה מַלְאָכָיו רוּחוֹת מְשָׁרְתָיו אֵשׁ לֹהֵט: יָסַד אֶרֶץ עַל מְכוֹנֶיהָ בַּל תִּמּוֹט עוֹלָם וָעֶד: תְּהוֹם כַּלְּבוּשׁ כִּסִּיתוֹ עַל הָרִים יַעַמְדוּ מָיִם: מִן גַּעֲרָתְךָ יְנוּסוּן מִן קוֹל רַעַמְךָ יֵחָפֵזוּן: יַעֲלוּ הָרִים יֵרְדוּ בְקָעוֹת אֶל מְקוֹם זֶה יָסַדְתָּ לָהֶם: גְּבוּל שַׂמְתָּ בַּל יַעֲבֹרוּן בַּל יְשֻׁבוּן לְכַסּוֹת הָאָרֶץ: הַמְשַׁלֵּחַ מַעְיָנִים בַּנְּחָלִים בֵּין הָרִים יְהַלֵּכוּן: יַשְׁקוּ כָּל חַיְתוֹ שָׂדָי יִשְׁבְּרוּ פְרָאִים צְמָאָם: עֲלֵיהֶם עוֹף הַשָּׁמַיִם יִשְׁכּוֹן מִבֵּין עֳפָאיִם יִתְּנוּ קוֹל: מַשְׁקֶה הָרִים מֵעֲלִיּוֹתָיו מִפְּרִי מַעֲשֶׂיךָ תִּשְׂבַּע הָאָרֶץ: מַצְמִיחַ חָצִיר לַבְּהֵמָה וְעֵשֶׂב לַעֲבֹדַת הָאָדָם לְהוֹצִיא לֶחֶם מִן הָאָרֶץ: וְיַיִן יְשַׂמַּח לְבַב אֱנוֹשׁ לְהַצְהִיל פָּנִים מִשָּׁמֶן וְלֶחֶם לְבַב אֱנוֹשׁ יִסְעָד: יִשְׂבְּעוּ עֲצֵי יְהוָה אַרְזֵי לְבָנוֹן אֲשֶׁר נָטָע: אֲשֶׁר שָׁם צִפֳּרִים יְקַנֵּנוּ חֲסִידָה בְּרוֹשִׁים בֵּיתָהּ: הָרִים הַגְּבֹהִים לַיְּעֵלִים סְלָעִים מַחְסֶה לַשְׁפַנִּים: עָשָׂה יָרֵחַ לְמוֹעֲדִים שֶׁמֶשׁ יָדַע מְבוֹאוֹ: תָּשֶׁת חֹשֶׁךְ וִיהִי לָיְלָה בּוֹ תִרְמֹשׂ כָּל חַיְתוֹ יָעַר: הַכְּפִירִים שֹׁאֲגִים לַטָּרֶף וּלְבַקֵּשׁ מֵאֵל אָכְלָם: תִּזְרַח הַשֶּׁמֶשׁ יֵאָסֵפוּן וְאֶל מְעוֹנֹתָם יִרְבָּצוּן: יֵצֵא אָדָם לְפָעֳלוֹ וְלַעֲבֹדָתוֹ עֲדֵי עָרֶב: מָה רַבּוּ מַעֲשֶׂיךָ יְהוָה כֻּלָּם בְּחָכְמָה עָשִׂיתָ מָלְאָה הָאָרֶץ קִנְיָנֶךָ: זֶה הַיָּם גָּדוֹל וּרְחַב יָדָיִם שָׁם רֶמֶשׂ וְאֵין מִסְפָּר חַיּוֹת קְטַנּוֹת עִם גְּדֹלוֹת: שָׁם אֳנִיּוֹת יְהַלֵּכוּן לִוְיָתָן זֶה יָצַרְתָּ לְשַׂחֶק בּוֹ: כֻּלָּם אֵלֶיךָ יְשַׂבֵּרוּן לָתֵת אָכְלָם בְּעִתּוֹ: תִּתֵּן לָהֶם יִלְקֹטוּן תִּפְתַּח יָדְךָ יִשְׂבְּעוּן טוֹב: תַּסְתִּיר פָּנֶיךָ יִבָּהֵלוּן תֹּסֵף רוּחָם יִגְוָעוּן וְאֶל עֲפָרָם יְשׁוּבוּן: תְּשַׁלַּח רוּחֲךָ יִבָּרֵאוּן וּתְחַדֵּשׁ פְּנֵי אֲדָמָה: יְהִי כְבוֹד יְהוָה לְעוֹלָם יִשְׂמַח יְהוָה בְּמַעֲשָׂיו: הַמַּבִּיט לָאָרֶץ וַתִּרְעָד יִגַּע בֶּהָרִים וְיֶעֱשָׁנוּ: אָשִׁירָה לַיהוָה בְּחַיָּי אֲזַמְּרָה לֵאלֹהַי בְּעוֹדִי: יֶעֱרַב עָלָיו שִׂיחִי אָנֹכִי אֶשְׂמַח בַּיהוָה: יִתַּמּוּ חַטָּאִים מִן הָאָרֶץ וּרְשָׁעִים עוֹד אֵינָם בָּרְכִי נַפְשִׁי אֶת יְהוָה הַלְלוּ יָהּ:

תהילים פרק קל

שִׁיר הַמַּעֲלוֹת מִמַּעֲמַקִּים קְרָאתִיךָ יְהוָה: אֲדֹנָי שִׁמְעָה בְקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָי: אִם עֲוֹנוֹת תִּשְׁמָר יָהּ אֲדֹנָי מִי יַעֲמֹד: כִּי עִמְּךָ הַסְּלִיחָה לְמַעַן תִּוָּרֵא: קִוִּיתִי יְהוָה קִוְּתָה נַפְשִׁי וְלִדְבָרוֹ הוֹחָלְתִּי: נַפְשִׁי לַאדֹנָי מִשֹּׁמְרִים לַבֹּקֶר שֹׁמְרִים לַבֹּקֶר: יַחֵל יִשְׂרָאֵל אֶל יְהוָה כִּי עִם יְהוָה הַחֶסֶד וְהַרְבֵּה עִמּוֹ פְדוּת: וְהוּא יִפְדֶּה אֶת יִשְׂרָאֵל מִכֹּל עֲוֹנֹתָיו:

Transliteration

Some start with: Ash-rei yo-she-vei vei-te-cha od ye-ha-le-lu-cha se-lah. Ash-rei ha-‘am shek-ka-chah lo ash-rei ha-‘am she-ya-h-vah e-lo-hav.

T-h-lm f-rk lg.

ran-ne-nu tzad-di-kim bai-h-vah lay-sha-rim na-vah te-hil-lah. Ho-du lash-shem be-chin-nor be-ne-vel a-sor zam-me-ru lo. Shi-ru lo shir cha-dash hei-ti-vu nag-gen bit-ru-‘ah. Ki ya-shar de-var a-do-nai ve-chol ma-‘a-se-hu be-‘e-mu-nah. O-hev tze-da-kah u-mish-pat che-sed a-do-nai ma-le-‘ah ha-‘a-retz. Bid-var a-do-nai sha-ma-yim na-‘a-su u-ve-ru-ach piv kol tze-va-‘am. Ko-nes kan-ned mei hai-yam no-ten be-‘o-tza-rot te-ho-mot. Yi-re-‘u me-ye-h-vah kol ha-‘a-retz mim-men-nu ya-gu-ru kol yo-she-vei te-vel. Ki hu a-mar vai-ye-hi hu tziv-vah vai-ya-‘a-mod. A-do-nai he-fir a-tzat go-yim he-ni mach-she-vot am-mim. A-tzat a-do-nai le-‘o-lam ta-‘a-mod mach-she-vot lib-bo le-dor va-dor. Ash-rei hag-goy a-sher a-do-nai e-lo-hav ha-‘am ba-char le-na-cha-lah lo. Mish-sha-ma-yim hib-bit a-do-nai ra-‘ah et kol be-nei ha-‘a-dam. Mim-me-chon shiv-to hish-gi-ach el kol yo-she-vei ha-‘a-retz. Hai-yo-tzer ya-chad lib-bam ham-me-vin el kol ma-‘a-sei-hem. Ein ham-me-lech no-sha be-rav cha-yil gib-bor lo yin-na-tzel be-rav ko-ach. She-ker has-sus lit-shu-‘ah u-ve-rov chei-lo lo ye-mal-let. Hin-neh ein a-do-nai el ye-re-‘av lam-ya-cha-lim le-chas-do. Le-hatz-tzil mim-ma-vet naf-sham u-le-chai-yo-tam ba-ra-‘av. Naf-she-nu chik-ke-tah lash-shem ez-re-nu u-ma-gin-ne-nu hu. Ki vo yis-mach lib-be-nu ki ve-shem kod-sho va-ta-che-nu. Ye-hi chas-de-cha a-do-nai a-lei-nu ka-‘a-sher yi-chal-nu lach.

F-rk t”z.

mich-tam le-da-vid sha-me-re-ni el ki cha-si-ti vach. A-mart la-‘a-do-nai a-do-nai at-tah to-va-ti bal a-lei-cha. Lik-do-shim a-sher ba-‘a-retz hem-mah ve-‘ad-di-rei kol chef-tzi vam. Yir-bu atz-tze-vo-tam a-cher ma-ha-ru bal as-sich nis-kei-hem mid-dam u-val es-sa et she-mo-tam al se-fa-tai. A-do-nai me-nat chel-ki ve-cho-si at-tah to-mich go-ra-li. Cha-va-lim na-fe-lu li ban-ne-‘i-mim af na-cha-lat sha-fe-rah a-lai. A-va-rech et a-do-nai a-sher ye-‘a-tza-ni af lei-lot yis-se-ru-ni chil-yo-tai. Shiv-vi-ti a-do-nai le-neg-di ta-mid ki mi-mi-ni bal em-mot. La-chen sa-mach lib-bi vai-ya-gel ke-vo-di af be-sa-ri yish-kon la-ve-tach. Ki lo ta-‘a-zov naf-shi lish-‘ol lo tit-ten cha-si-de-cha lir-‘ot sha-chat. To-di-‘e-ni o-rach chai-yim s-va se-ma-chot et pa-nei-cha ne-‘i-mot bi-mi-ne-cha ne-tzach.

F-rk y”z.

te-fil-lah le-da-vid shim-‘ah a-do-nai tze-dek hak-shi-vah rin-na-ti ha-‘a-zi-nah te-fil-la-ti be-lo sif-tei mir-mah. Mil-le-fa-nei-cha mish-pa-ti ye-tzei ei-nei-cha te-che-zei-nah mei-sha-rim. Ba-chan-ta lib-bi pa-kad-ta lay-lah tze-raf-ta-ni val tim-tza zam-mo-ti bal ya-‘a-var pi. Lif-‘ul-lot a-dam bid-var se-fa-tei-cha a-ni sha-mar-ti a-re-chot pa-ritz. Ta-moch a-shu-rai be-ma’-ge-lo-tei-cha bal na-mot-tu fe-‘a-mai. A-ni ke-ra-ti-cha chi ta-‘a-ne-ni el hat a-ze-ne-cha li she-ma im-ra-ti. Haf-leh cha-sa-dei-cha mo-shi-a cho-sim mim-mit-ko-me-mim bi-mi-ne-cha. Sha-me-re-ni ke-‘i-shon bat a-yin be-tzel ke-na-fei-cha tas-ti-re-ni. Mip-pe-nei re-sha-‘im zu shad-du-ni o-ye-vai be-ne-fesh yak-ki-fu a-lai. Chel-ba-mo sa-ge-ru pi-mo dib-be-ru ve-ge-‘ut. Ash-shu-rei-nu at-tah se-va-vu-nu ei-nei-hem ya-shi-tu lin-tot ba-‘a-retz. Dim-yo-no ke-‘ar-yeh yich-sof lit-rof ve-chich-fir yo-shev be-mis-ta-rim. Ku-mah a-do-nai kad-de-mah fa-nav hach-ri-‘e-hu pal-le-tah naf-shi me-ra-sha char-be-cha. Mim-tim ya-de-cha a-do-nai mim-tim me-che-led chel-kam ba-chai-yim u-tze-fu-ne-cha te-mal-lei vit-nam yis-be-‘u va-nim ve-hin-ni-chu yit-ram le-‘o-le-lei-hem. A-ni be-tze-dek e-che-zeh fa-nei-cha es-be-‘ah ve-ha-kitz te-mu-na-te-cha.

F-rk ayn”v.

lish-lo-moh e-lo-him mish-pa-tei-cha le-me-lech ten ve-tzid-ka-te-cha le-ven me-lech. Ya-din am-me-cha ve-tze-dek va-‘a-ni-yei-cha ve-mish-pat. Yis-‘u ha-rim sha-lom la-‘am u-ge-va-‘ot bitz-da-kah. Yish-pot a-ni-yei am yo-shi-a liv-nei ev-yon vi-dak-kei o-shek. Yi-ra-‘u-cha im sha-mesh ve-lif-nei ya-re-ach dor do-rim. Ye-red ke-ma-tar al gez kir-vi-vim zar-zif a-retz. Yif-rach be-ya-mav tzad-dik ve-rov sha-lom ad be-li ya-re-ach. Ve-ye-red mi-yam ad yam u-min-na-har ad af-sei a-retz. Le-fa-nav yich-re-‘u tzi-yim ve-‘o-ye-vav a-far ye-la-che-chu. Mal-chei tar-shish ve-‘i-yim min-chah ya-shi-vu mal-chei she-va u-se-va esh-kar yak-ri-vu. Ve-yish-ta-cha-vu lo chol me-la-chim kol go-yim ya-‘av-du-hu. Ki yatz-tzil ev-yon me-shav-ve-a ve-‘a-ni ve-‘ein o-zer lo. Ya-chos al dal ve-‘ev-yon ve-naf-shot ev-yo-nim yo-shi-a. Mit-toch u-me-cha-mas yig-‘al naf-sham ve-yei-kar da-mam be-‘ei-nav. Vi-chi ve-yit-ten lo miz-ze-hav she-va ve-yit-pal-lel ba-‘a-do ta-mid kol hai-yom ye-va-re-chen-hu. Ye-hi fis-sat bar ba-‘a-retz be-rosh ha-rim yir-‘ash kal-le-va-non pir-yo ve-ya-tzi-tzu me-‘ir ke-‘e-sev ha-‘a-retz. Ye-hi she-mo le-‘o-lam lif-nei she-mesh yin-non she-mo ve-yit-ba-re-chu vo kol go-yim ye-‘ash-she-ru-hu. Ba-ruch a-do-nai e-lo-him e-lo-hei yis-ra-‘el o-seh nif-la-‘ot le-vad-do. U-va-ruch shem ke-vo-do le-‘o-lam ve-yim-ma-lei che-vo-do et kol ha-‘a-retz a-men ve-‘a-men. Kal-lu te-fil-lot da-vid ben yi-shai.

F-rk tz”alef.

yo-shev be-se-ter el-yon be-tzel shad-dai yit-lo-nan. O-mar la-‘a-do-nai mach-si u-me-tzu-da-ti e-lo-hai ev-tach bo. Ki hu yatz-tzi-le-cha mip-pach ya-kush mid-de-ver hav-vot. Be-‘ev-ra-to ya-sech lach ve-ta-chat ke-na-fav tech-seh tzin-nah ve-so-che-rah a-mit-to. Lo ti-ra mip-pa-chad la-ye-lah me-chetz ya-‘uf yo-mam. Mid-de-ver ba-‘o-fel ya-ha-loch mik-ke-tev ya-shud tzo-ho-ra-yim. Yip-pol mitz-tzid-de-cha e-lef u-re-va-vah mi-mi-ne-cha e-lei-cha lo yig-gash. Rak be-‘ei-nei-cha tab-bit ve-shil-lu-mat re-sha-‘im tir-‘eh. Ki at-tah a-do-nai mach-si el-yon sam-ta me-‘o-ne-cha. Lo te-‘un-neh e-lei-cha ra-‘ah ve-ne-ga lo yik-rav be-‘o-ho-le-cha. Ki mal-‘a-chav ye-tzav-veh lach lish-ma-re-cha be-chol de-ra-chei-cha. Al kap-pa-yim yish-sho-‘u-ne-cha pen tig-gof ba-‘e-ven rag-le-cha. Al sha-chal va-fe-ten tid-roch tir-mos ke-fir ve-tan-nin. Ki vi cha-shak va-‘a-fal-le-te-hu a-sag-ge-ve-hu ki ya-da she-mi. Yik-ra-‘e-ni ve-‘e-‘e-ne-hu im-mo a-no-chi ve-tza-rah a-chal-le-tze-hu va-‘a-chab-be-de-hu. O-rech ya-mim as-bi-‘e-hu ve-‘ar-‘e-hu bi-shu-‘a-ti.

F-rk k”d.

ba-re-chi naf-shi et a-do-nai a-do-nai e-lo-hai ga-dal-ta me-‘od hod ve-ha-dar la-va-she-ta. O-teh or kash-sho-le-mah no-teh sha-ma-yim kay-ri-‘ah. Ham-ka-reh vam-ma-yim a-li-yo-tav hash-shom a-vim re-chu-vo ham-hal-lech al kan-fei ru-ach. O-seh mal-‘a-chav ru-chot me-sha-re-tav esh lo-het. Ya-sad e-retz al me-cho-nei-ha bal tim-mot o-lam va-‘ed. Te-hom kal-le-vush kis-si-to al ha-rim ya-‘am-du ma-yim. Min ga-‘a-ra-te-cha ye-nu-sun min kol ra-‘am-cha ye-cha-fe-zun. Ya-‘a-lu ha-rim ye-re-du ve-ka-‘ot el me-kom zeh ya-sad-ta la-hem. Ge-vul sam-ta bal ya-‘a-vo-run bal ye-shu-vun le-chas-sot ha-‘a-retz. Ham-shal-le-ach ma’-ya-nim ban-ne-cha-lim bein ha-rim ye-hal-le-chun. Yash-ku kol chay-to sa-dai yish-be-ru fe-ra-‘im tze-ma-‘am. A-lei-hem of hash-sha-ma-yim yish-kon mib-bein o-fa-yim yit-te-nu kol. Mash-keh ha-rim me-‘a-li-yo-tav mip-pe-ri ma-‘a-sei-cha tis-ba ha-‘a-retz. Matz-mi-ach cha-tzir lab-be-he-mah ve-‘e-sev la-‘a-vo-dat ha-‘a-dam le-ho-tzi le-chem min ha-‘a-retz. Ve-ya-yin ye-sam-mach le-vav e-nosh le-hatz-hil pa-nim mish-sha-men ve-le-chem le-vav e-nosh yis-‘ad. Yis-be-‘u a-tzei a-do-nai ar-zei le-va-non a-sher na-ta. A-sher sham tzip-po-rim ye-kan-ne-nu cha-si-dah be-ro-shim bei-tah. Ha-rim hag-ge-vo-him lai-ye-‘e-lim se-la-‘im mach-seh lash-fan-nim. A-sah ya-re-ach le-mo-‘a-dim she-mesh ya-da me-vo-‘o. Ta-shet cho-shech vi-hi la-ye-lah bo tir-mos kol chay-to ya-‘ar. Hak-ke-fi-rim sho-‘a-gim lat-ta-ref u-le-vak-kesh me-‘el a-che-lam. Tiz-rach hash-she-mesh ye-‘a-se-fun ve-‘el me-‘o-no-tam yir-ba-tzun. Ye-tzei a-dam le-fo-‘o-lo ve-la-‘a-vo-da-to a-dei a-rev. Mah rab-bu ma-‘a-sei-cha a-do-nai kul-lam be-choch-mah a-si-ta ma-le-‘ah ha-‘a-retz kin-ya-ne-cha. Zeh hai-yam ga-dol u-re-chav ya-da-yim sham re-mes ve-‘ein mis-par chai-yot ke-tan-not im ge-do-lot. Sham o-ni-yot ye-hal-le-chun liv-ya-tan zeh ya-tzar-ta le-sa-chek bo. Kul-lam e-lei-cha ye-sab-be-run la-tet a-che-lam be-‘it-to. Tit-ten la-hem yil-ko-tun tif-tach ya-de-cha yis-be-‘un tov. Tas-tir pa-nei-cha yib-ba-he-lun to-sef ru-cham yig-va-‘un ve-‘el a-fa-ram ye-shu-vun. Te-shal-lach ru-cha-cha yib-ba-re-‘un u-te-chad-desh pe-nei a-da-mah. Ye-hi che-vod a-do-nai le-‘o-lam yis-mach a-do-nai be-ma-‘a-sav. Ham-mab-bit la-‘a-retz vat-tir-‘ad yig-ga be-ha-rim ve-ye-‘e-sha-nu. A-shi-rah la-‘a-do-nai be-chai-yai a-zam-me-rah le-lo-hai be-‘o-di. Ye-‘e-rav a-lav si-chi a-no-chi es-mach ba-‘a-do-nai. Yit-tam-mu chat-ta-‘im min ha-‘a-retz u-re-sha-‘im od ei-nam ba-re-chi naf-shi et a-do-nai ha-le-lu yah.

F-rk k”l.

shir ham-ma-‘a-lot mim-ma-‘a-mak-kim ke-ra-ti-cha a-do-nai. A-do-nai shim-‘ah ve-ko-li tih-yei-nah a-ze-nei-cha kash-shu-vot le-kol ta-cha-nu-nai. Im a-vo-not tish-mar yah a-do-nai mi ya-‘a-mod. Ki im-me-cha has-se-li-chah le-ma-‘an tiv-va-re. Kiv-vi-ti a-do-nai kiv-ve-tah naf-shi ve-lid-va-ro ho-cha-le-ti. Naf-shi la-do-nai mish-sho-me-rim lab-bo-ker sho-me-rim lab-bo-ker. Ya-chel yis-ra-‘el el a-do-nai ki im a-do-nai ha-che-sed ve-har-beh im-mo fe-dut. Ve-hu yif-deh et yis-ra-‘el mik-kol a-vo-no-tav.

backspace
caps lock enter
shift shift
Virtual keyboard by Loderi.com   « » { } ~
Share This